ಹಳೆ ನೆನಪುಗಳನ್ನೆಲ್ಲ ಅಳಿಸಿ ಹೊಸ ಮನ್ವಂತರಕ್ಕೆ ಕಾಲಿಡಬೇಕು. ಅಲ್ಲಿ ಬರಿ ಕನಸು, ಭರವಸೆ .. ನೋವಾಗಿ ಕಾಡುವ ನೆನಪನ್ನೆಲ್ಲ ಮತ್ತೆ ಬರಲಾರದಷ್ಟು ದೂರ ಬಿಸುಟು ಬರಿದಾಗಬೇಕು … ಅದರ ಹಂಗು ಮಾತ್ರವಲ್ಲ ಕಿಂಚಿತ್ತು ಪ್ರಭಾವವನ್ನು ಇಲ್ಲವಾಗಿಸಿಕೊಳ್ಳಬೇಕು ಅನ್ನುವ ತಪನೆ .. ಎಲ್ಲ ಬಿಟ್ಟು ನಾನು ಬರಿ ನಾನಾಗಿ ನಿನ್ನ ಮಡಿಲಿಗೆ ಬಂದು ಬೀಳುತ್ತಲಿದ್ದೇನೆ.. ಹರಸಿ ಮಡಿಲು ತುಂಬಿಕೊ, ಎತ್ತಿ ಎದೆಗೆ ಅಪ್ಪಿಕೋ .. ಮತ್ತೆ ಆ ನೋವಿನ ಹಳೆ ಹಂದರಕ್ಕೆ ಬೀಳದ ಹಾಗೆ ಗಟ್ಟಿಮಾಡಿಕೋ ಹೊಸ ಹಾಡೊಂದನ್ನ ಹಾಡೋಣ ಹೊಸ ಬಾಳೊಂದನ್ನ ಕಟ್ಟೋಣ ಅದರ…
ಕಂಡರಿಯದ ಈ ಪುಳಕ ತಂದಿರುವುದು ಹೊಸ ಸೆಳೆತ ಕಾಯುವಿಕೆಯ ಕಾತರಕೆ ಬರೆದಿರುವುದು ಹೊಸ ಭಾಷ್ಯ
ಇಂದೇಕೆ ಹೀಗೆ, ಮಂದಹಾಸದೊಂದಿಗೆ ಈ ಮೌನ… ಕಪ್ಪಾದ ಆಕಾಶದಂತೆ, ಸುಳಿಯದ ತಂಗಾಳಿಯಂತೆ!! ಮಾತಿನ ಮುತ್ತುದುರಬಾರದೆ ಇಳೆಯ ಒಡಲಿಗೆ… ಮಂದಹಾಸ ತೊಳೆದಿರುವ ಭಾವದ ಮರುಳಿಗೆ.
ಹಳೆಯ ಕೊಳೆಯ ಹೊಸತು ತೊಳೆಯಲಿ ಹೊಸದೇ ಕಳೆಯ ಹೊಸತು ಮೆರೆಯಲಿ ಸವಿಯ ಬಾಳಿಗೆ ಹೊಸತು ಸುರಿಯಲಿ ಅನಂತ ಯುಗಾದಿಗಳ ಯಾನ ಹರಸಲಿ
ನೆನಪುಗಳ ಹುಡುಕಾಟವೇಕೆ ದಿಗಂತದ ಮಡಿಲಲ್ಲಿ ಮರೆಸುತಿರುವ ಸೃಷ್ಟಿಯ ಸೊಬಗಿರುವಾಗ ಕಣ್ಣೆದುರಲ್ಲಿ ಕಾಡುವ ಭವಿಷ್ಯದ ಕನಸಿಗೆ ಕೊನೆಯೆಂಬುದು ಇಲ್ಲಿ ಕ್ಷಣಕ್ಕಾದರು ಕಲ್ಪನೆ ಉತ್ತುಂಗಕ್ಕೇರಲಿ, ಬದುಕು ಪ್ರಜ್ವಲಿಸಲಿ.
ಕಣ್ಣಲ್ಲಿ ಕಲೆತು ನೋಟದಲ್ಲಿ ಬೆರೆವ ಆ ಜೋಡಿಯ ಜೋಡಿ ಕಂಗಳಿಗೆ ಬೆರಳಲ್ಲಿ ಬೆಸೆದು ಸ್ಪರ್ಶದಿ ಪುಳಕಿಸುವ ಆ ಜೋಡಿಯ ಜೋಡಿ ಕೈಗಳಿಗೆ ಕನಸನ್ನು ಸವಿದು ನನಸಲ್ಲಿ ನೆನೆವ ಆ ಜೋಡಿಯ ತೀರದ ವಿರಹಕೆ ಚುಂಬನದಲ್ಲಿ ಕರಗಿ ಅಪ್ಪುಗೆಯಲಿ ಮುದಗೊಳ್ಳುವ ಆ ಜೋಡಿಯ ತನ್ಮಯ ಭಾವಸಿರಿಗೆ ಒಲುಮೆಯ ದಿನದ ಶುಭಾಶಯಗಳು
